عيونك آخر آمالي
وليلي أطول من اليمّ
كيف ألقى كلامٍ عذب
يوصف دافي إحساسي
عشقتك.. قبل ما اشوفك
وشفتك.. صرت كلّي حلم
أبي رمشك يغطيني
وابيك أقرب من أنفاسي
يهمّك تعرفي انك
قتلتي فيّ سنين الهم
قتلني ضحكك وجدك
قتلني لينك القاسي
رميت أقداري في دربك
وصرتي في عروقي الدم
أحبك كثر ما سالت
دموعي .. وما نسى ناسي
يجول الحزن في ضلوعي
بردت وذاب فيني العظم
كثير من الحطب حولي
وعندك انكسر خاسي
سألتك.. بالذي زانك
تحبّي فيني حتى الظلم
تحبّي عيوبي و غدري
تحبّي المرّ في كاسي
أنا من كثر ما احبك
أبيك.. كثر رمل اليم
وابيك تكوني فوق الناس
وابي ما ينحني راسي
عيونك آخر آمالي
وليلي أطول من اليم
كيف ألقى كلامٍ عذب
يوصف دافي احساسي
* * *
أداء ..
عبادي الجوهر
http://www.4shared.com/audio/6SqECcfL/___-__.htm
.