سِليل الشُوق يا حِبّي
اِسمعْ هَمس اسمك فـ قلبي
سَريتْ فـ شراييني
عشق..
ومن عشقك،،
هِمت انا بدربي
..
دربي شفته بوجوده
وبإيده شبك سربي
سرب طيوره فـ سماي
طار وخيم على حدود رَكْبي
رَكْب الدّجى طاف السحاب
وصرخ يا عشق ..
تمايل و نسّم برقة
على هدبي
هدبك يالزين..
قطع العرق فـ قلبي
نظرة عينك
تسحر،،
تلمس الصمت فـ وجدي
تلاوع الروح ..
والروح مشتاقة لوصلك
يا كل بعضي..
بعضي أنا ضيعته
في أحضان الهوى..
وكل الهوى انت
يا هناي وسعدي..
ماني على بعضي
يا شمس الضحى
يا قُمر سهدي..
أحبّ اطالع فيك العين..
والعين لشوفتك ولهانة
ترى هذا قصدي..
سِمَارِك،،
سِمَارِك يجنّني ..
وسواد عيونك،،
يكحّل الليل..
يغيّبه
فـ ضنا و سهر
صريع السِحْر..
يلاطف بنجومه خدّي..
يطلع وجهه فجرْ
ينشر الضيّ
على عيوني..
و يتأمل
ربيع فـ وصفه
وانتَ الزهر يحاوط
حديقة..
حقيقة..
ماهي إلا حبك..
اِي و ربّي !!
سلّمتك حياتي و دنيتي
تصرّف بيها
لوّن لياليها..
بألوان عشقك
اش حلاة العمر
بقربك..
يا دفاي،،
فـ شدة بردي..
.
.
