تعمّرت السما بسحايب
ظنيتها تمطرني بطيوفه
ناظرتها.. وكلي وله
أشوف رسم ويهه في الظلمة بدر
تعبتني النطرة ،،
وعيّت عيني طول النظرة
اطالع سواد فـ سواد..
ما يت براسي ولا فكرة
غير اني اقعد دروب الليل
اطالع شهابٍ رايح.. و اناظر بارقٍ غاد
نجوم حولهم تلتقي......
و انا سليلة الوقت
اعدّ الثواني.. كنها ما تمرّ
لين اطيح في سهوة
أشوف نظر عيني ..
ياربي .. حتى لو مرّة !!
.
.
مايسة
(صخب أنثى)
13/12/2010
ليست هناك تعليقات:
إرسال تعليق