مالي فـ هالدنيــا غير عيونك يالغلا أعوم بيها..
أعيش ليها..
أذوب فيها..
مالي فـ هالدنيا غير وجهك يالحلا أنظره..
أرسمه..
أحضنه..
مالي فـ هالدنيا غير حضنك يالهوى أرقد فيه..
يحميني..
يأويني..
مالي فـ هالدنيا غير صدرك يالظما أغفى عليه..
يهدهدني..
يغيبني و يغنيني..
مالي غيرك.. لا تخليني
تراني اشتقت لك حيــ ـ ـ ـل و كلّي وله..
والنوم جافاني بالأمس.. وسهرني طيفك..
صرت لي نبض روح يسري فيني..
صرت لي دمعة حنونة تغسل عيني..
صرت لي زفرة شوق تلهب حنيني..
صرت لي سعادة عمر تحلّي سنيني..
يا بعيد عن نظر عيني..
غبت يوم.. أحسه طوى شهر..
لا ..
كنّه طوى دهر..!!!
خيالك ما فارق .. وما افترق..
حبك ما غاب .. وما غرق..
همسك في أذوني طاب.. وما نفق..
ابيك .. تعال فـ حضني..
ادفيك.. اغفيك..
تراني بجد... اغليك
يا دوا جروحي ..
و سكن أنيني..
احبك حيــ ـ ـ ـل .. يا صوت العشق.. في كلمة تبيني !!
.
.
مايسة
مايسة
20/9/2010
ليست هناك تعليقات:
إرسال تعليق