أتذكّـــر..

جافاني الكرى بالأمس..

بغيت أكحّل عيني بشوفتك يا نظر عيني..

بتّ فـ ليلتي ،،

قلقانة ..

أجوب صور ذاكرتي..

أقلب فـ دفاترنا،،

عن همسٍ طرالي..

عن شوقٍ كواني..

عن حبٍ سكني..

عن وجهٍ سِباني..

حيرانة يالعشق..

أسامر غربتي.. وطول ليلتي..

ماعرفت غير الحرف 

طريقٍ..

لألم وحدتي..

تعنّيت،،

وآنا أسطّر.. و اشكّل..

أمسح..

ألوّن.. وأهوّن..

مادري.. وش جرالي..

ويش اكتبلك.. ؟؟ 

وانت احساسي وصحبتي و داري..

ويش اوصفلك..؟؟

وانت راعي الوصف لافكاري..!!

سقيت محبرتي.. من دمعتي

و سكبت الوجد.. على بياض اوراقي..

تصوّر لي وجهك فـ كل صفحة..

وتخيل لي صوتك نغم.. على كل نقطة..

سحر بسمتك رافق سطوري..

وهمسة شفاتك كتبت لك كل أخباري ..

ولا لمسة إيدينك..!!

هيّ اللي بس.. 

حرّكت أقلامي..

مابي افكر غير فيك..

وانت على البال.. 

و كلك احتواني..

مابي انده غير عليك..

وانت النِدا.. 

و سفرك براني..

يالروح اللي تسري ..

تشتعل.. 

بأوردتي وشراييني..

أحبك موووت..

تكفى .. 

لاعاد تروح وتخليني..

شيّدت لك فـ جوفي قصور..

ما يسكنها غير جنونك..

ورهنت لك من قلبي النبضات..

ما تغنيها غير فنونك..

فديتك يا كل الغلا..

فديت قلبك.. روحك.. 

و رفّة "أحبك" فـ عيونك..

.

.

مايسة

28/9/2010