سحقني الشوق فـ أعماقي..
حرقتني لوعة غيابك..
اتّجنن العقل.. و تاه الفكر..
صرت كنّي فـ هوس مستمر..
لا النوم لي صديق..
ولا الفراش لي رفيق..
ولا للأكل طعم..
ولا لي فيه نصيب ..!!
كلّمتك..
وانا في قمة جنوني..
احتري في صوتك كلمة ..
يمكن تخفف ..
يمكن تجفف ..
دمعات عيوني
لكنّ الظروف عاندتني..
والدنيا .. بحقايق - ماني بناسيتها-
واجهتني..
فجأة..
طرالي فـ خاطري دليل..
يطلّعني من همومي..
مادريت للحظة..
انه يمكن يزيد جنوني..
طرالي أنزل في ظلمة الليل..
ألفّ شوارع الديرة ..
أمشي.. أركض..
لكن ماكو سبيل !!
أهرب من طول الوقت..
وأقتل ساعات لين يطلع الفجر..
انتظرت..
ومادري ويش انتظرت..
يمكن نطرت،،
لين تهدأ فورتي..
يمكن سكنت،،
لين ابتلع غصتي..
قصّيت على دمعتي..
ردّي.. رجعي !!!
انتِ سبايب حيرتي..
انتِ فتيل الحرقة،،
فـ قلب نبضتي..
وان كان جنون العشق يجيب لي محبوبي..
اقطعله مسارات.. لين اشوفه في دروبي !!!
.....
حبيب الروح.. اعذر جنوني
تراك بدمي تسري
تراها روحك بعرقي تجري..
أهذي فيك في ليلتي و فجري..
وما هقيت ما تعذر من كان بعشقك مفتونِ..
احبك
.
.
مايسة
.
مايسة
29/9/2010
ليست هناك تعليقات:
إرسال تعليق