حكاية خفوق

تعنّيت في هواه و سردتلله حكاياتي

حكاية خفوقٍ في صدر الغرام يحاتي
 

دِخيلٍ عليه من غير استئذان لنبضاتي

دخل و يازينه.. اتمايل بخفة فـ ركون سكناتي

صارت السكنات خفقات

وراح ياكل من نبضٍ علا.. من بين كل أنّاتي

سرى بروحي و صار الغذا بدمي

وصفا الدم بغذاه .. وصار بعروقي عاتي
 

يهدّ و يعمّر على كيفه

وااانا اناظر حركته.. مشيته.. غادٍ وآتي

شقّ الصدر من قوته

وطلع يرويلي عاللي صادقه فـ خلجاتي

قال لي..

آنا حياة نبضك

آنا دفا قلبك

آنا سكن روحك

آنا عينك اللي كانت تطالعني

آنا شوقك اللي كان يلهبني

آنا اللي خذيت عقلك و تفكيرك

تراني من اليوم قدرك ومصيرك

اصحَيْ على حبي

وهنّيني فـ أيامك

اخذيني دوا.. و اشربيني

مع ماي حياتي.. بخليها حياتك

وان نمتَيْ.. بصير غطاك و مخدتك

اتوسديني.. تراني بكون فرشتك

متعمد ادخل .. والمس شرايينك

متعمد اوصل.. واخترق ترانيمك

أدفّي بردٍ حسيته بقلبي حنيني

أقيد فيكي جمرٍ ذوّب كل مافيني

سكتّ.. وتأمّلت

ومن داخل قلبي تنهّدتْ

تلبكّت..!!

واحتارت شفاتي

تبسّمت..

وسولفتْ..

تراك انت ؟؟؟!!!

انت اللي غيّرت النغم ؟

انت اللي سحبت الألم ؟

انت اللي عشقت نبض قلبه فيني؟

انت اللي جيتني دفا عقب برد سنيني؟

خليك..!!

تراني بـ احتفل فيك

بـ ازرعك جوري فـ جنتي

بـ انثرك ندى فـ غيمتي

بـ احتويك بشووووق لهفتي

وبـ افتخر فيك..

غرامي

فـ حفلتي !!

.
.
مايسة
4/2/2010